„ქართული ოცნების“ მარიონეტმა პრემიერ-მინისტრმა მარკო რუბიო ტყუილში დაადანაშაულა, ეს აღმაშფოთებელია, - ამის შესახებ კონგრესმენი ჯო უილსონი (რესპუბლიკური პარტია) სოციალურ ქსელში წერს.
კონგრესმენი ირაკლი კობახიძის განცხადებას აშშ-ის სახელმწიფო მდვან მარკო რუბიოს გზავნილთან დაკავირებით გამოეხმაურა.
„ქართული ოცნების“ მარიონეტმა პრემიერ-მინისტრმა ჩვენი შესანიშნავი და საპატიო სახელმწიფო მდივანი, მარკო რუბიო ტყუილში დაადანაშაულა. ეს აღმაშფოთებელია. საქართველო ირანის, ჩინეთისა და რუსეთის მიერაა ინფილტრირებული - მისი ქცევა უნდა შეიცვალოს!” - წერს უილსონი.
შეგახსენებთ, მარკო რუბიომ საქართველოს შესახებ უილსონის კითხვას პასუხისას განაცხადა: „მათ გვკითხეს, თუ რა იქნება საჭირო შეერთებულ შტატებთან უკეთესი ურთიერთობებისთვის. ჩვენ ვუპასუხეთ და იმედია, რომ ამ საფუძველზე პროგრესს მივაღწევთ და, არა მხოლოდ საქართველოსთან ჩვენი ურთიერთობების ტრაექტორიის, არამედ მათი ქცვის შეცვლას შევძლებთ“.
ირაკლი კობახიძემ ჟურნალისტებს განუცხადა, რომ არასდროს, ასეთი კითხვა არ დაუსვამთ.
"ადამიანი როცა საუბრობს, შეიძლება თავისი ინტერპრეტაციით, რაღაც თქვას. მე სრული პასუხისმგებლობით გეუბნებით, რომ არც მე, არც რომელიმე ჩემს კოლეგას ასეთი კითხვა არ დაგვისვამს“, - განაცხადა კობახიძემ.
