საქართველოში კვირას, უწმინდესის და უნეტარესის დაკრძალვის დღეს 4 პირველიერაქს ველოდებით, მათ შორის არის სმსოფლიო პატრიარქი, - ამის შესახებ მედიას ახალქალაქის, კარის და კუმურდოს მიტროპოლიტმა, მეუფე ნიკოლოზმა განუცხადა.
როგორც მეუფე ნიკოლოზმა თქვა, 12 საათზე დაიწყება წესის აგება, რომელსაც უხელმძღვანელებს მსოფლიო პატრიარქი, ხოლო წირვაში 12 მღვდელი და 7 დიაკონი მიიღებს მონაწილეობას, მათ შორის მეუფე შიო .
"ხვალ ტაძარში შევლა იქნება შეუძლებელი, იმიტომ, რომ დელეგაციები ჩამოდის უამრავი, იმათ ხომ არ დავტოვებთ, გარეთ, უნდა შემოვიყვანოთ. ეზოში ალბათ იქნება საშუალება, თუმცა ეზოც ვერ დაიტევს ყველა მსურველს და მადლობა ღმერთს, რომ ასეა. ეს პროცესია რამხელა იქნება არ ვიცი, მაგრამ სიონის ტაძარში შესვლა დაკრძალვის დროს იქნება წარმოუდგენელი სრულებით. მე ვფიქრობ, რომ დაიკრძალება, მერე რამდენ ხანს გაგრძელდება ეს უდიდესი ნაკადი და როგორ შეცვლის ეს ტაძრის მსახურებას, ქალაქის ტრანსპორტის მოძრაობას, არვიცი ალბათ სულ გადაკეტილი იქნება. ხალხი ალბათ გააგრძელებს მოსვლას, საათები მოუწევს დგომა რიგში, რომ სიონში შევიდეს და მის საფლავს ემთხვიოს.
ზუსტად ვერ გეტყვით, მაგრამ, მე ვფიქრობ, რომ დილის 6-7 საათმადე ექნებათ (ხალხს შესვლი უფლება) იმიტომ, რომ მერე აუცილებლად უნდა დაიკეტოს. მერე გზაც გადაიკეტება და ტაძარიც დაიკეტება, იმიტომ, რომ უნდა მოვემზადოთ წირვის ჩასატარებლად. 11 საათზე ჩამოფრინდება მსოფლიო პატრიარქი თვითმფრინავით, 12 საათზე დაიწყება წესის აგება, რომელსაც უხელმძღვანელებს მსოფლიო პატრიარქი. წირვაში მონაწილეობას მიიღებენ მარტო მოსაყდრე მეუფე შიო და სინოდის წევრები. 12 მღვდელი იქნება და 7 დიაკონი, ისინიც ვინც ამ ტაძარში მსახურობენ, დანარჩენები მღვდლებიც თუ მოხვდებიან ტაძარში, მხოლოდ სპეციალური საშვებით.
დელეგაციებს ველოდებით ყველა მხრიდან, მაგრამ წარმოდგენილი იქნება 4 პირველიერარქი, მსოფლიო პატრიარქი და კიდევ სამი პირველიერარქი ", - თქვა მეუფე ნიკოლოზმა.
