გადაუღებელი წვიმების გამო ქედის რაიონში ცენტრალურ საავტომობილო გზაზე მეწყერი ჩამოწვა. ჩაიკეტა ქედა-ზვარეს მონაკვეთი.
სტიქიის დროს გზაზე მიკროავტობუსი გადაადგილდებოდა, მიკროავტობუსის მგზავრები მეწყერს სასწაულებრივად გადაურჩნენ. ადგილზე დილიდან მობილიზებულია სამაშველო და საგზაო დეპარტამენტის თანამშრომლები.
მიმდინარეობს გზის გაწმენდითი სამუშაოები. ამ დროისათვის ცენტრალური საავტომობილო გზა ჩაკეტილია.
