უკრაინული მედიის ინფორმაციით, რუსებმა გასულ ღამეს უკრაინის დედაქალაქს ბალისტიკური რაკეტებით შეუტიეს. დარტყმა დაფიქსირდა კერძო სახლზე, რის შედეგადაც დაშავდა 2 ადამიანი
კიევის მერმა, ვიტალი კლიჩკომ მოქალაქეებს თავშესაფრებში გადასვლისკენ მოუწოდა.
„მტერი დედაქალაქის ინფრასტრუქტურას ბალისტიკური რაკეტებით უტევს. გადადით თავშესაფრებში!“ - დაწერა კლიჩკომ სოციალურ ქსელში.
როგორც შემდეგ კიევის მერმა განაცხადა, რაკეტა დარნიცკის რაიონში კერძო სახლს მოხვდა, ჰოლოსიევსკის და დესნიანსკის რაიონებში კი არასაცხოვრებელ შენობებს.
