აშშ-ის ვიცე-პრეზიდენტი ჯეი დი ვენსი აცხადებს, რომ აშშ არ გეგმავს ირანის რეჟიმის დამხობას, არამედ ცდილობს ხელი შეუშალოს ირანს ბირთვული იარაღის მიღებაში.
ჟურნალისტების შეკითხვაზე, სურს თუ არა მას ირანში რეჟიმის შეცვლის ხილვა, ვენსმა უპასუხა: „თუ ირანელ ხალხს რეჟიმის დამხობა სურს, ეს ირანელი ხალხის გადასაწყვეტია. ამჟამად ჩვენი ყურადღება ფოკუსირებულია იმაზე, რომ ირანს არ ჰქონდეს ბირთვული იარაღი“.
„პრეზიდენტმა [ტრამპმა] თავის გუნდს უთხრა, რომ ჩვენ უნდა ვეცადოთ მივაღწიოთ შეთანხმებას, რომელიც უზრუნველყოფს, რომ ირანელებს არ ექნებათ ბირთვული იარაღი. მაგრამ თუ ამ შეთანხმებას ვერ მივაღწევთ, არსებობს სხვა ვარიანტი. პრეზიდენტი გააგრძელებს სხვადასხვა ვარიანტის განხილვას“, - განაცხადა ვენსმა.
