უკრაინის პრეზიდენტმა ვოლოდიმირ ზელენსკიმ განაცხადა, რომ რუსეთთან მოლაპარაკებების შემდეგი რაუნდი 17 ან 18 თებერვალს შეერთებულ შტატებში არის დაგეგმილი, თუმცა რუსულ მხარეს თანხმობა ჯერ არ განუცხადებია. ამის შესახებ ზელენსკი Bloomberg News-ს განუცხდა.
გამოცემა წერს, რომ ზელენსკიმ მიიღო აშშ-ის შეთავაზება მომავალ კვირას მოლაპარაკებების კიდევ ერთი რაუნდის ჩატარების შესახებ, რომლის დროსაც „მომლაპარაკებლები, სავარაუდოდ, ტერიტორიის რთულ საკითხზე გაამახვილებენ ყურადღებას“.
„ზელენსკიმ Bloomberg News-ს, განუცხადა, რომ ახალი რაუნდი სამშაბათს ან ოთხშაბათს იგეგმება. თუმცა ჯერ არ არის ცნობილი, დათანხმდება თუ არა რუსეთი შეერთებულ შტატებში მოლაპარაკებებს. დღის წესრიგში აშშ-ის წინადადებაა დონბასის აღმოსავლეთ რეგიონში ბუფერის სახით თავისუფალი ეკონომიკური ზონის შექმნის შესახებ, ვარიანტი, რომელსაც, უკრაინის ლიდერის თქმით, კონფლიქტის ორივე მხარე სკეპტიკურად უყურებს“, - წერს გამოცემა.
ამავდროულად, გამოცემა ციტირებს ზელენსკის სიტყვებს ეკონომიკურ ზონასთან დაკავშირებით. არცერთი მხარე არ არის აღფრთოვანებული თავისუფალი ეკონომიკური ზონის იდეით - არც რუსები და არც ჩვენ... ჩვენ ამასთან დაკავშირებით განსხვავებული შეხედულებები გვაქვს. და ჩვენ შემდეგზე შევთანხმდით: მოდით, შემდეგ შეხვედრაზე დავბრუნდეთ ხედვით, თუ როგორი შეიძლება იყოს ეს“, - თქვა ხელენსკიმ.
