ევროპარლამენტმა უკრაინისთვის 90 მილიარდი ევროს სესხის პაკეტი დაამტკიცა. ევროპარლამენტმა დაამტკიცა პაკეტი, რომელიც მიზნად ისახავს უკრაინის მხარდაჭერას 90 მილიარდი ევროს ოდენობის სესხის სახით 2026 და 2027 წლებისთვის.
პაკეტის დამტკიცებას მხარი 458-მა ევროპარლამენტარმა დაუჭირა, 140-მა წინააღმდეგ მისცა ხმა, ხოლო 44-მა თავი შეიკავა.
კრედიტი შედგება 60 მილიარდი ევროსგან სამხედრო დახმარებისა და 30 მილიარდი ევროსგან ბიუჯეტის მხარდაჭერისთვის, რომელიც დაფინანსდება ევროკავშირის სესხებით.
გადაწყვეტილების ძალაში შესვლისთვის ევროსაბჭომ ოფიციალურად უნდა დაამტკიცოს სესხის გამოყოფის პაკეტი. პირველი გადახდა, სავარაუდოდ, 2026 წლის მეორე კვარტალში განხორციელდება.
