პოლონეთის ქალაქ ველუნში ძალოვანი სტრუქტურების მიერ ჩატარებული მასშტაბური ოპერაციის შედეგად საქართველოს ოთხი მოქალაქე დააკავეს. ამის შესახებ RMF24 იუწყება.
ოპერაციაში პოლიციასთან ერთად ანტიტერორისტული ოპერაციების ცენტრის და სასაზღვრო სამსახურის თანამშრომლები მონაწილოებდნენ.
როგორც ჟურნალისტებითვის გახდა ცნობილი, ეს იყო ოპერაცია ლიეტუვის მოთხოვნით, რომელმაც გასცა ევროპული საგამოძიებო ორდერი მათ ქვეყანაში ძებნილი ერთ-ერთი ქართველის დაპატიმრების შესახებ.
მედია წერს, რომ საქმე გასაიდუმლოებულია; არ ხმაურდება ლიეტუვის მოთხოვნის დეტალები და მიზეზები დაკავების შესახებ .
თუმცა, ოპერაციის მასშტაბისა და ანტიტერორისტული დანაყოფების მონაწილოების გათვალისწინებით, მედია ვარაუდობს, რომ საუბარია ყველაზე მძიმე დანაშაულებზე.
ძებნილ ქართველთან ერთად, სამართალდამცველებმა დააკავეს საქართველოს კიდევ სამი მოქალაქე. პოლონეთიდან მათი დეპორტაციის შესახებ გადაწყვეტილება მალე იქნება მიღებული.
