სოციალისტი ანტონიო ხოსე სეგურო კვირას, 8 თებერვალს გამართულ საპრეზიდენტო არჩევნების მეორე ტურში დამაჯერებლად ლიდერობს. ამის შესახებ Reuters იუწყება.
სეგურომ თავისი ულტრამემარჯვენე ოპონენტი ანდრე ვენტურა დაამარცხა.
„სეგურო, რომელმაც პირველი ტურის შემდეგ წამყვანი კონსერვატორების მხარდაჭერა მოიპოვა ვენტურას პოპულისტურ და ავტორიტარულ ტენდენციებთან დაკავშირებული შეშფოთების ფონზე, 20 წლის განმავლობაში პირველი სოციალისტი სახელმწიფოს მეთაური ხდება, რითაც კონსერვატორ მარსელო რებელო დე სოუზას ჩაანაცვლებს, რომელიც პრეზიდენტი ორი ვადით იყო“, - წერს გამოცემა
„პორტუგალიელი ხალხის მიერ დღეს გამოვლენილი რეაქცია, მათი ერთგულება თავისუფლების, დემოკრატიისა და ჩვენი ქვეყნის მომავლის მიმართ, ბუნებრივიაა, სიამაყით მავსებს ჩვენი ერის მიმართ,“ - განაცხადა სეგურომ.
ბოლო დღეებში პორტუგალიაში მომხდარმა შტორმების სერიამ ამომრჩევლებს ხელი ვერ შეუშალა და აქტივობა დაახლოებით იგივე იყო, რაც 18 იანვარს, პირველ ტურში, მიუხედავად იმისა, რომ წყალდიდობის გამო რამდენიმე მცირე მუნიციპალიტეტს კენჭისყრის ერთი კვირით გადადება მოუწია.
ხმების 95%-ის დათვლის შემდეგ, სეგურომ 66% მიიღო. ვენტურა 34%-ით ჩამორჩებოდა, თუმცა მაინც მნიშვნელოვნად უკეთესი შედეგი აჩვენა, ვიდრე მისმა პარტია Chega-მ, რომელმაც გასული წლის საყოველთაო არჩევნებში ხმების 22.8% მიიღო.
