მილანში ოლიმპიურ სოფელთან გამართულ საპროტესტო აქციაზე შეტაკებები მოხდა.
უცხოური მედიის ცნობით, მილანში ზამთრის ოლიმპიური თამაშების საწინააღმდეგო აქცია გაიმართა. აქციაზე დაახლოებით 10 000 ადამიანი იმყოფებოდა.
შეტაკებისას დემონსტრანტებმა პოლიციას ქვები ესროლეს, ხოლო პოლიციელებმა მათ დასაშლელად წყლის ჭავლი და ცრემლსადენი გაზი გამოიყენეს.
შეტაკებების დროს პოლიციამ ექვსი ადამიანი დააკავა.
დემონსტრანტები აპროტესტებდნენ თამაშების შედეგად გარემოსთვის მიყენებულ ზიანს. ამასთან, საიმიგრაციო და საბაჟო სამსახურის (ICE) აგენტების იტალიაში ყოფნას, რომლებიც მილანში აშშ-ის დელეგაციის უსაფრთხოების უზრუნველსაყოფად იმყოფებიან.
