აშშ-ის პრეზიდენტმა დონალდ ტრამპმა ხელი მოაწერა აღმასრულებელ ბრძანებას, რომლის თანახმადაც ტარიფები დაუწესდება იმ ქვეყნების საქონელს, რომლრბიც ირანთან ვაჭრობას აწარმოებენ. ამის შესახებ თეთრი სახლის განცხადებაშია ნათქვამი.
„ამ ბრძანების ძალაში შესვლის დღიდან, შეერთებულ შტატებში იმპორტირებული საქონელი, რომელიც წარმოადგენს ნებისმიერი ქვეყნის პროდუქციას, რომელიც პირდაპირ ან ირიბად ყიდულობს, იმპორტს ან სხვაგვარად იღებს ირანიდან რაიმე საქონელს ან მომსახურებას, შეიძლება დაექვემდებაროს დამატებით ადვალორემულ გადასახადს, მაგალითად, 25 პროცენტის მოცულობით,“ - აღნიშნულია ინფორმაციაში.
როგორც იუწყებიან, 6 თებერვალს ტრამპმა ხელი მოაწერა აღმასრულებელ ბრძანებას, რომლის თანახმადაც, შეერთებულ შტატებს შეუძლია დააწესოს დამატებითი გადასახადები ნებისმიერი ქვეყნიდან იმპორტზე, რომელიც პირდაპირ ან ირიბად ყიდულობს, აწარმოებს იმპორტს ან სხვაგვარად იძენს საქონელს ან მომსახურებას ირანიდან.
ამგვარად, სახელმწიფო მდივანს და ვაჭრობის მდივანს, აშშ-ის სავაჭრო წარმომადგენლის ოფისთან და საშინაო უსაფრთხოების დეპარტამენტთან ერთად, შეუძლიათ გადაწყვიტონ, თუ რაზომით უნდა იქნას გამოყენებული დამატებითი ტარიფი.
