ვენესუელის პარლამენტმა ერთხმად, პირველი მოსმენით დაამტკიცა ამნისტიის შესახებ კანონი, რომლის შედეგადაც პოლიტპატიმრები გათავისუფლება მოხდება.
კანონპროექტის თანახმად, ამნისტია გავრცელდება, „ტერორიზმის“, „სამშობლოს ღალატის“ და „სიძულვილის წაქეზების“ მუხლებით გასამართლებულ პირებზე.
AFP-ის ცნობით, ეს იგივე ბრალდებებია, რომლებიც პოლიტპატიმრებს ვენესუელის ლიდერის, ნიკოლას მადუროს, მმართველობის დროს წაუყენეს, რომელიც აშშ-მა 2026 წლის იანვარში სამხედრო ოპერაციის დროს დააკავა, ასევე მისი წინამორბედის, ვენესუელის პრეზიდენტის, უგო ჩავესის დროს.
„ჩვენ პატიებას ვითხოვთ და ასევე უნდა ვაპატიოთ“, - ციტირებს გამოცემა ვენესუელის პარლამენტის სპიკერის, ხორხე როდრიგესის, განცხადებას.
რომელიც ვენესუელას დროებითმა პრეზიდენტმა დელსი როდრიგესმა მასობრივი ამნისტია იანვარში გამოაცხადა.
ამ ამნისტიის მიზანი უნდა იყოს „ძალადობითა და ექსტრემიზმით გამწვავებული პოლიტიკური დაპირისპირების შედეგად მიყენებული ჭრილობების მოშუშება“.
განმარტებულია, რომ შეწყალება არ გავრცელდება მკვლელობისთვის, ნარკოტიკებით ვაჭრობისთვის და ადამიანის უფლებების წინააღმდეგ მიმართული მძიმე დანაშაულებისთვის მსჯავრდებულ დამნაშავეებზე.
AFP-ის ცნობით, ვენესუელის სახელმწიფოს დროებითი მეთაურის რანგში დელსი როდრიგესი ვაშინგტონთან დაახლოების კურსის გაგრძელებას ცდილობს. ვენესუელაში ასობით პოლიტიკური პატიმარი უკვე გაათავისუფლეს. თუმცა, კიდევ რამდენიმე ასეული ციხეში რჩება.
