უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინამ ირანის “ისლამური რევოლუციის გუშაგთა კორპუსი” ტერორისტულ ორგანიზაციად გამოაცხადა.
„უკრაინა მხარს უჭერს იმ ხალხს, ვინც აფასებს თავისუფლებას და ნამდვილად მზად არიას იბრძოლოს მისთვის. მთელი მსოფლიო ხედავს, თუ რა ხდება ირანში, მკვლელობების რაოდენობას და როგორ შეუწყო ხელი ირანის რეჟიმმა ომისა და ძალადობის გავრცელებას რეგიონში და მსოფლიოში. უკრაინა ვერ დაივიწყებს ათასობით „შაჰედს“, რომლებიც ჩვენს ქალაქებსა და სოფლებს, ჩვენს ხალხს ესხმიან თავს“, - განაცხადა ზედლენსკიმ.
უკრაინის პრეზიდენტმა გაიხსენა, რომ ევროკავშირი უკვე შეთანხმდა ირანის რეჟიმის ერთ-ერთი მთავარი ორგანიზაციის, ე.წ. ისლამური რევოლუციის გუშაგთა კორპუსის, ტერორისტულ ორგანიზაციად გამოცხადებასთან დაკავსირებით.
„ჩვენ, უკრაინაში, უკვე მივიღეთ ასეთი გადაწყვეტილება და ეს ორგანიზაცია ტერორისტულად გამოვაცხადეთ და ჩვენთვის ეს საკითხი დახურულია. მსოფლიოში ყველა ტერორისტი იმსახურებს ერთნაირ მოპყრობას და დაგმობას - ვერცერთმა ვერ უნდა გაიმარჯვოს“, - განაცხადა ზელენსკიმ.
