უკრაინის დელეგაცია აბუ დაბიში გაემგზავრა, სადაც 4 და 5 თებერვალს სამმხრივი შეხვედრების ახალი რაუნდი გაიმართება, რომელშიც უკრაინის, აშშ-ისა და რუსეთის წარმომადგენლები მიიღებენ მონაწილეობას.
ამის შესახებ უკრაინის პრეზიდენტმა ვოლოდიმირ ზელენსკიმ ვიდეომიმართვისას განაცხადა.
ზელენსკის თქმით, უკრაინული გუნდი აგრძელებს ამერიკულ მხარესთან მუშაობას იმის უზრუნველსაყოფად, რომ მშვიდობისთვის რეალური გადაწყვეტილებები გაფართოვდეს.
„დღეს ჩვენს დელეგაციასთან შეხვედრა გვქონდა - ბიჭები უკვე გზაში არიან. შეხვედრები ოთხშაბათს და ხუთშაბათს გაიმართება“, - განაცხადა პრეზიდენტმა.
მან დასძინა, რომ სამმხრივი ფორმატის გარდა, ორმხრივი მოლაპარაკებები შეერთებულ შტატებთანაც გაიმართება.
„არის რაღაც, რაზეც შეიძლება შეთანხმება, არის შინაარსი, რომელიც შემდგომ მუშაობას მოითხოვს. ჩვენ უსაფრთხოების გარანტიებთან დაკავსირებით მზად ვართ. ოფიციალური პირები უკრაინის აღდგენასა და შემდგომ განვითარებაზე მუშაობენ და ჩვენი გუნდები აქტიურად არიან ჩართულნი ამ საკითხში“, - განაცხადა ზელენსკიმ.
