უკრაინის პრეზიდენტმა ვოლოდიმირ ზელენსკიმ დაადასტურა, რომ რუსი ოკუპანტები ამჟამად თავს არიდებენ ენერგეტიკულ ობიექტებზე მიზანმიმართულ სარაკეტო და დრონებით დარტყმებს, თუმცა კონცენტრირებულნი არიან ლოჯისტიკაზე თავდასხმებზე.
„ბოლო 24 საათის განმავლობაში, ფრონტის ხაზზე და საზღვრისპირა დასახლებებში ენერგეტიკულ ობიექტებზე რუსეთის ახალი თავდასხმები განხორციელდა, თუმცა რუსული რაკეტების ან „შაჰედების“ მიერ ენერგეტიკულ ინფრასტრუქტურაზე მიზანმიმართული დარტყმები არ ყოფილა. რუსული არმია, როგორც წინა დღეებში, ჩვენი ლოჯისტიკის, პირველ რიგში, რკინიგზის ტერორზეა ორიენტირებული. კერძოდ, თავდასხმები მოხდა დნიპროპეტროვსკის ოლქსა და ზაპოროჟიეში, კერძოდ, რკინიგზის ობიექტებზე“, - განაცხადა ზელენსკიმ.
ამასთან, ზელენსკიმ აღნიშნა, რომ ცალკეული ინსტრუქციები გაიცა უკრაინის საჰაერო ძალების მთავარსარდლის, უკრაინის თავდაცვის მინისტრისა და „უკრაინის რკინიგზის ხელმძღვანელისთვის.
