ირანის პარლამენტმა ევროკავშირის შეიარაღებული ძალები ტერორისტულ დაჯგუფებებად გამოაცხადა.
ამის შესახებ ირანის პარლამენტის თავმჯდომარემ, მოჰამედ ბაგერ ღალიბაფმა განაცხადა.
„ვაცხადებ, რომ კონტრზომების შესახებ კანონის მე-7 მუხლის შესაბამისად, „ისლამური რევოლუციის გუშაგთა კორპუსის“ (IRGC) ტერორისტულ ორგანიზაციად გამოცხადების საპასუხოდ, ევროპული ქვეყნების შეიარაღებული ძალები ტერორისტულ დაჯგუფებებად მიიჩნევა და ამ ნაბიჯის შედეგებზე პასუხისმგებლობა ევროკავშირს ეკისრება“, - ნათქვამია ღალიბაფის განცხადებაში.
მანამდე, ევროკავშირის საგარეო საქმეთა მინისტრებმა ირანის „ისლამური რევოლუციის გუშაგთა კორპუსი“ (IRGC) ტერორისტულ ორგანიზაციად აღიარა.
ირანის საგარეო საქმეთა მინისტრმა, აბას არაღჩიმ, გადაწყვეტილებას ევროკავშირის „სტრატეგიული შეცდომა“ უწოდა.
