გასულ ღამეს უკრაინის შეიარაღებულმა ძალებმა რუსეთის კრასნოდარის მხარეში, ყუბანის სლავიანსკში მდებარე ნავთობგადამამუშავებელ ქარხანას დაარტყა.
უკრაინის გენშტაბის განცხადების თანახმად, ეს ქარხანა რუსეთის „ენერგეტიკული ზურგის“ ნაწილია და რუსული არმიის უზრუნველყოფაშია ჩართული.
გენერალური შტაბის წინასწარი მონაცემებით, დრონებით დარტყმის შედეგად დაზიანებულია ნავთობის პირველადი გადამუშავების „დანადგარების ელემენტები“, მიყენებული ზიანის მასშტაბი კი დაზუსტების ეტაპზეა.
აღნიშნულია, რომ ამ ობიექტის წლიური პოტენციური გადამუშავების სიმძლავრე 4 მილიონ ტონაზე მეტია.
ასევე დაზიანდა დონეცკის (დონეცკი) და ზაპოროჟიეს (სოფელი სლადკოვოდნოე) ოლქებში დროებით ოკუპირებულ ტერიტორიებზე დამპყრობლების დანაყოფებისთვის მატერიალურ-ტექნიკური მარაგების მიწოდების საწყობები.
გარდა ამისა, რუსების შეტევითი შესაძლებლობების შესასუსტებლად, დარტყმები განხორციელდა უპილოტო საფრენი აპარატის ქვედანაყოფის სამეთაურო პუნქტზე ველიკა ნოვოსილკას (დონეცკის ოლქი, დროებით ოკუპირებული ტერიტორია) მახლობლად და მოწინააღმდეგის ცოცხალი ძალის კონცენტრაციაზე იუნაკოვკას (სუმის ოლქი, დროებით ოკუპირებული ტერიტორია) და კოლესნიკოვკას (ხარკოვის ოლქი) მახლობლად. დაღუპული და დაჭრილი ოკუპანტების რაოდენობა გამოძიების პროცესშია.
