აშშ-ში ქარბუქის შედეგად 11 ადამიანი დაიღუპა, მილიონზე მეტი აბონენტი ელექტროენერგიის გარეშეა დარჩენილი.შეერთებულ შტატებში 1 მილიონზე მეტი აბონენტი ელექტროენერგიის გარეშე დარჩა ძლიერი ქარბუქის გამო, რომელმაც პარალიზება მოახდინა აღმოსავლეთ და სამხრეთ შტატებში. იუწყება Reuters.

ტენესის შტატში 330 000-ზე მეტ აბონენტს ელექტროენერგია არ მიეწოდება, მისისიპიში - 160 000-ზე მეტს, ლუიზიანაში - 135 000-ს, ხოლო ტეხასში - 90 000-ს.

სხვა დაზარალებულ შტატებს შორისაა ტეხასი, კენტუკი, ჯორჯია, დასავლეთ ვირჯინია და ალაბამა. ელექტროენერგიის გათიშვა გამოწვეულია ხის ყინულიანი ტოტების ელექტროგადამცემ ხაზებზე დაცემით, რაც მათ გაწყვეტას იწვევს.

25 იანვარს ავიაკომპანიებმა 11 000-ზე მეტი რეისი გააუქმეს. კერძოდ, რონალდ რეიგანის სახელობის ვაშინგტონის საერთაშორისო აეროპორტში მუშაობა სრულად შეჩერდა. გარდა ამისა, რეისების 80%-ზე მეტი გაუქმდა რამდენიმე აეროპორტში მსხვილი მეტროპოლიტენის რაიონებში, მათ შორის ნიუ-იორკში, ფილადელფიასა და ჩრდილოეთ კაროლინას ქალაქ შარლოტში.

ეროვნულმა მეტეოროლოგიურმა სამსახურმა (NWS) გააფრთხილა, რომ თოვა ორშაბათს, 26 იანვარს დილამდე გაგრძელდება, რასაც მოჰყვება ძლიერი სიცივის, ყინულოვანი წვიმისა და ძლიერი ქარის რეკორდული პერიოდი.

ქარიშხლის შედეგად უკვე თერთმეტი ადამიანი დაიღუპა. გარდაცვალების ფაქტები დაფიქსირდა ტენესის, კანზასის, ნიუ-იორკში, ტეხასის, ლუიზიანას და მიჩიგანის შტატებში.

24 შტატის ხელისუფლებამ საგანგებო მდგომარეობა გამოაცხადა.