კანადის პრემიერ-მინისტრმა მარკ კარნიმ განაცხადა, რომ მისი ქვეყანა მტკიცედ უჭერს მხარს გრენლანდიას და დანიას დონალდ ტრამპის ადმინისტრაციის განცხადებების ფონზე.
ამის შესახებ მან დავოსში, მსოფლიო ეკონომიკურ ფორუმზე განაცხადა.
არქტიკის სუვერენიტეტზე საუბრისას, კარნიმ ხაზი გაუსვა კანადის მხარდაჭერას გრენლანდიისა და დანიის მიმართ და მათ „უნიკალურ უფლებას, განსაზღვრონ გრენლანდიის მომავალი“.
„ჩვენი ვალდებულებები მკვიდრი მოსახლეობის მიმართ მე-5 მუხლის შესაბამისად ურყევია. სწორედ ამიტომ ვთანამშრომლობთ ჩვენს ნატო-ელ მოკავშირეებთან და პარტნიორებთან, რათა გავაძლიეროთ უსაფრთხოება ჩრდილოეთსა და დასავლეთში, კანადის მიერ ჰორიზონტს მიღმა არსებულ შესაძლებლობებში უპრეცედენტო ინვესტიციების წყალობით: წყალქვეშა ნავები, საჰაერო ძალები და ჯარების ყოფნა ადგილზე. “, - აღნიშნა კანადის პრემიერ-მინისტრმა.
მან ასევე აღნიშნა, რომ კანადა კატეგორიულად ეწინააღმდეგება გრენლანდისთან დაკავშირებით ტარიფების დაწესებას და მოუწოდებს მოლაპარაკებებისკენ ამ შეხედულებებში არსებული განსხვავებების მოსაგვარებლად.
„კანადა კატეგორიულად ეწინააღმდეგება გრენლანდიასთან დაკავშირებულ ტარიფებს და მოუწოდებს ფოკუსირებული მოლაპარაკებებისკენ არქტიკაში უსაფრთხოებისა და კეთილდღეობის ჩვენი საერთო მიზნების მისაღწევად. ვიტყოდი, რომ საფრთხეები არსებობს. რუსეთი, უდავოდ, საფრთხეს წარმოადგენს არქტიკაში. რუსეთი ბევრ საშინელ რამეს აკეთებს და მე ვისარგებლებ შემთხვევით, რათა დავგმო მათი გაუმართლებელი და საშინელი თავდასხმა უკრაინაზე, რომელიც თითქმის მეოთხე წელია, მიმდინარეობს. ისინი რეალურ საფრთხეს წარმოადგენენ არქტიკაში, ჩვენ უნდა დავიცვათ ისინი, სწორედ ამიტომ ვითანამშრომლებთ ნატო-ელ პარტნიორებთან“, – აღნიშნა კარნიმ.
