უკრაინული მედიის ცნობით, უკრაინის დელეგაცია, რომლის შემადგენლობაშიც შედიან ეროვნული უშიშროებისა და თავდაცვის საბჭოს მდივანი რუსტემ უმეროვი, პრეზიდენტის ადმინისტრაციის უფროსი კირილო ბუდანოვი და საპარლამენტო ფრაქცია „ხალხის მსახურის“ თავმჯდომარე დავით არახამია, შაბათს შეერთებულ შტატებში ჩავიდა ამერიკულ გუნდთან შესახვედრად.
ბუდანოვმა განაცხადა, რომ უკრაინის დელეგაცია სამშვიდობო შეთანხმების დეტალებთან დაკავშირებით აშშ-ის წარმომადგენლებს შეხვდება.
ამერიკულ მხარეს მოლაპარაკებებში წარმოადგენენ აშშ-ის პრეზიდენტის წარმომადგენელი სტივ უიტკოფი, ტრამპის სიძე ჯარედ კუშნერი და აშშ-ის არმიის მდივანი დენიელ დრისკოლი.
