ესპანეთის საგარეო საქმეთა მინისტრმა ხოსე მანუელ ალბარესმა ვენესუელის ციხეებში დაკავებული კიდევ სამი ესპანელი მოქალაქის გათავისუფლების შესახებ განაცხადა.
ალბარესმა აღნიშნა, რომ პატიმრები ორშაბათს გაათავისუფლეს.
მინისტრის თქმით, ერთმა ადამიანმა ვენესუელაში დარჩენა გადაწყვიტა, მეორე მოქალაქე უკვე ესპანეთში მიემგზავრება, ხოლო მესამეს ჯერ არ გადაუწყვეტია, სად დარჩება.
„ეს ძალიან პოზიტიური ნაბიჯია“, - განაცხადა ალბარესმა და ვენესუელის მთავრობას მოუწოდა, გააგრძელოს პატიმრების გათავისუფლება.
9 იანვარს, ესპანეთის ოთხი მოქალაქე ვენესუელის ციხიდან გათავისუფლები შემდეგ მადრიდში ჩავიდა.
12 იანვარს იტალიის პრემიერ-მინისტრმა, ჯორჯია მელონიმ, განაცხადა, რომ ვენესუელის ხელისუფლებამ ორი იტალიელი პატიმარი გაათავისუფლა.
