ირანში მიმდინარე მოვლენების ფონზე აშშ-ს სახელმწიფო დეპარტამენტი ამერიკის მოქალაქეებს მოუწოდებს, შესაძლებლობის შემთხვევაში, ირანი ხმელეთის გავლით დატოვონ.
განცხადებაში აღნიშნულია, რომ ირანში საპროტესტო აქციები ესკალაციას განიცდის და შესაძლოა, ძალადობრივ ფორმაში გადაიზარდოს, რამაც დაპატიმრებები და დაზიანებები გამოიწვიოს.
"ირანში საპროტესტო აქციები მწვავდება. გრძელდება უსაფრთხოების გაძლიერებული ზომები, გზების გადაკეტვა, საზოგადოებრივი ტრანსპორტის მუშაობის შეფერხება და ინტერნეტის დაბლოკვა. ავიახაზები განაგრძობენ ირანის მიმართულებით ან ირანიდან ფრენების შეზღუდვას ან გაუქმებას, რამდენიმე მათგანმა პარასკევამდე, 16 იანვრამდე, მუშაობა უკვე შეაჩერა. აშშ-ს მოქალაქეებმა უნდა ელოდონ ინტერნეტთან წვდომის შემდგომ შეფერხებებს, დაგეგმონ კომუნიკაციის ალტერნატიული გზები და, თუ ამის გაკეთება უსაფრთხოა, განიხილონ ირანიდან სომხეთში ან თურქეთში სახმელეთო გზით გამგზავრება.
აშშ-ირანის ორმაგი მოქალაქეობის მქონე პირები ირანიდან ირანული პასპორტით უნდა გავიდნენ. ირანის მთავრობა არ აღიარებს ორმაგ მოქალაქეობას და აშშ-ირანულ ორმაგ მოქალაქეებს მხოლოდ ირანელ მოქალაქეებად მიიჩნევს. აშშ-ს მოქალაქეებს ირანში ემუქრებათ დაკითხვის, დაპატიმრებისა და დაკავების მნიშვნელოვანი საფრთხე. აშშ-ს პასპორტის ჩვენება ან აშშ-სთან კავშირების ჩვენება შესაძლოა, ირანის ხელისუფლებისთვის საკმარისი საბაბი გახდეს ვინმეს დასაკავებლად," - , – აღნიშნულია განცხადებაში.
