აშშ-ის პრეზიდენტმა დონალდ ტრამპმა განაცხადა, რომ ჩინეთი დათანხმდა რუსეთ-უკრაინის ომის დასრულებასთან დაკავშირებით თანამშრომლობას.
ამის შესახებ ტრამპმა სამხრეთ კორეაში ჩინეთის პრეზიდენტ სი ძინპინთან შეხვედრის შემდეგ, Air Force One-ის ბორტზე ჟურნალისტებთან საუბრისას განაცხადა.
„ჩვენ დიდი ხანი ვსაუბრობდით უკრაინაზე. ჩვენ ერთად ვიმუშავებთ გარკვეული შედეგების მისაღწევად. ჩვენ შევთანხმდით, რომ მხარეები ჩიხში შევიდნენ. და ხანდახან, როგორც ჩანს, მათ ბრძოლის უფლებაც უნდა მისცე. სიგიჟეა. მაგრამ ის დაგვეხმარება და ჩვენ ერთად ვიმუშავებთ უკრაინის საკითხთან დაკავშირებით,“ - განაცხადა ტრამპმა.
შეკითხვაზე, განიხილა თუ არა მან სი ძინპინთან რუსული ნავთობის საკითხი, ტრამპმა უარყოფითი პასუხი გასცა.
აშშ-ის პრეზიდენტმა დონალდ ტრამპმა ჩინეთის ლიდერ სი ძინპინთან შეხვედრა დადებიტად შეაფასა და განაცხადა, რომ მათ სავაჭრო შეთანხმებას მიაღწიეს, რომლის ხელმოწერაც შეასძლებელია მალე მოხდეს, თუმცა დამატებით დეტალებზე საუბრისგან თავი შეიკავა.
