აშშ-ის პრეზიდენტმა დონალდ ტრამპმა განაცხადა, რომ ომის დეპარტამენტს დაავალა „დაუყოვნებლივ დაიწყოს აშშ-ის ბირთვული იარაღის გამოცდა“. ამის შესახებ Truth Social-ში წერს.
ტრამპმა აღნიშნა, რომ „შეერთებულ შტატებს ნებისმიერ სხვა ქვეყანაზე მეტი ბირთვული იარაღი აქვს“ და რომ ქვეყანამ ამას მიაღწია, „მათ შორის არსებული იარაღის სრულ განახლებასა და მოდერნიზაციას“, მისი პრეზიდენტობის პირველი ვადის განმავლობაში.
„რუსეთი მეორე ადგილზეა, ჩინეთი კი - მოშორებით მესამეზე, მაგრამ სულ რაღაც ხუთ წელიწადში ის პირველ ადგილს დაიკავებს.
სხვა ქვეყნების გამოცდის პროგრამების გათვალისწინებით, მე ომის დეპარტამენტს დავავალე, რომ ჩვენი ბირთვული იარაღის გამოცდა თანაბარ საფუძველზე დაიწყოს. ეს პროცესი დაუყოვნებლივ დაიწყება“, - წერს ტრამპი.
აგვისტოში ტრამპმა განაცხადა, რომ შეერთებული შტატები სრულად მზად იყო რუსეთთან ბირთვული კონფლიქტისთვის.
