უნგრეთის საგარეო საქმეთა მინისტრმა, პეტერ სიიარტომ, განაცხადა, რომ ქვეყნის პრემიერ-მინისტრი ვიქტორ ორბანი და აშშ-ის პრეზიდენტი დონალდ ტრამპი მომავალ კვირას შეხვდებიან, რათა რუსული ნავთობკომპანიების წინააღმდეგ აშშ-ის სანქციების საკითხი განიხილონ. ამის შესახებ Bloomberg იუწყება.
ორშაბათს, 27 ოქტომბერს, ბუდაპეშტში ჟურნალისტებთან საუბრისას სიიარტომ განაცხადა, რომ ამ კვირაში უნგრეთი შეაფასებს ტრამპის მიერ რუსული კომპანიებისთვის გასულ კვირას დაწესებული აშშ-ის სანქციების ზუსტ „იურიდიულ და ფიზიკურ გავლენას“.
„საჭიროების შემთხვევაში, პრემიერ-მინისტრს შეეძლება ამ საკითხის პირადად განხილვა მომავალ კვირას ვაშინგტონში“, - განაცხადა უნგრეთის სიიარტომ.
სიიარტოს თქმით, ტრამპი და ორბანი ვაშინგტონში მომავალი კვირის მეორე ნახევარში შეხვდებიან. მან ზუსტი თარიღი არ დაასახელა.
აშშ-ის პრეზიდენტი მოელის, რომ ევროპა მთლიანად უარს იტყვის რუსულ ნავთობსა და გაზზე. მან ცოტა ხნის წინ სანქციები დააწესა „როსნეფტისა“ და „ლუკოილის“ წინააღმდეგ.
ამის შემდეგ ორბანმა განაცხადა, რომ მისი მთავრობა სანქციების გვერდის ავლაზე მუშაობს.
ამის შემდეგ, ნატო-ში აშშ-ის ელჩმა მეთიუ უიტაკერმა განაცხადა, რომ ვაშინგტონი უნგრეთისგან რუსულ ნავთობსა და გაზზე უარს მოელის.
