ნატო-ში აშშ-ის ელჩმა მეთიუ უიტაკერის განცხადებით, ვაშინგტონი მოელის, რომ უნგრეთი რუსული ნავთობისა და გაზის მიწოდებაზე უარს იტყვის. ამის შესახებ უიტაკერმა Fox News-ის ეთერში განაცხადა.
ელჩის თქმით, შეერთებული შტატები მოელის, რომ უნგრეთი, სლოვაკეთი და თურქეთი, შეიმუშავებენ და განახორციელებენ გეგმებს რუსული ენერგომომარაგებისგან თავის დასაღწევად.
უიტეკერმა დასძინა, რომ აშშ მზადაა დაეხმაროს უნგრეთს რუსულ ნავთობსა და გაზზე დამოკიდებულებისგან გათავისუფლებაში.
„მოგეხსენებათ, უნგრეთმა, თავისი ბევრი მეზობლისგან განსხვავებით, არც რაიმე გეგმა შეიმუშავა და არც რაიმე აქტიური ზომები მიიღო.
ამიტომ, ჩვენ გავაგრძელებთ მათთან, ასევე მათ მეზობლებთან, როგორიცაა ხორვატია და სხვა ქვეყნებთან მუშაობას, რომლებსაც შეუძლიათ დაეხმარონ მათ რუსული ენერგიისგან თავის დაღწევაში,“ - განაცხადა უიტაკერმა
