ბუკოვინის 82-ე ცალკეული საჰაერო-სადესანტო-მოიერიშე ბრიგადის დანაყოფებმა დონეცკის ოლქის პოკროვის რაიონის სოფელი სუჰეცკოე გაათავისუფლეს.
საჰაერო-სადესანტო ბრიგადის ცნობით, შეტევითი ოპერაციების დროს უკრაინელი ჯარისკაცები ბრძოლაში ჩაერთნენ 60-ზე მეტი სამხედროსგან შემდგარ მტრის ძალასთან - მათგან 44 დაიღუპა, 8 დაიჭრა, ხოლო კიდევ 9 ტყვედ ჩავარდა.
„ჩვენმა მედესანტეებმა კიდევ ერთხელ დაამტკიცეს, რომ საჰაერო-სადესანტო-მოიერიშე ძალები გამოირჩევიან გამძლეობით, ძალითა და ცივი გათვლით ფრონტის ყველაზე ცხელ წერტილებში. გათავისუფლებული მიწის ყოველი მეტრი გამარჯვებისკენ გადადგმული ნაბიჯია“, - აღნიშნულია განცხადებაში.
