გასულ ღამეს კიევზე განხორციელებული სარაკეტო იერიშის შედეგად ერთი ადამიანი დაიღუპა და სულ მცირე ათი დაშავდა.
ამის შესახებ ინფორმაციას კიევის საქალაქო სამხედრო ადმინისტრაციის ხელმძღვანელი ტიმურ ტკაჩენკო ავრცელებს.
„გასულ ღამეს რუსული თავდასხმის შედეგად ერთი ადამიანი დაიღუპა. დილის 9:00 საათის მონაცემებით, კიევის 10-მა მცხოვრებმა სხვადასხვა დაზიანება მიიღო.“
25 ოქტომბერს რუსულ თავდასხმას უკრაინის დედაქალაქის დარნიცის, დესნიანის და დნიპროს რაიონებში ნგრევა მოხდა.
ძლიერი ხანძარი დაფიქსირდა რამდენიმე ლოკაციაზე, ხანძარი ძირითადად არასაცხოვრებელ შენობებში გაჩნდა.
დნიპროს რაიონში საბავშვო ბაღი დაზიანდა, ხოლო საცხოვრებელ უბანში - ჩაიმსხვრა ფანჯრები და დაზიანდა ავტომობილები.
