აშშ-მა რუსეთის წინააღმდეგ მნიშვნელოვანი სანქციები დააწესა. Bloomberg საკუთარ წყაროებზე დაყრდნობით წერს, რომ ეს პირდაპირი შედეგია იმისა, რომ თეთრ სახლში კრემლთან მოლაპარაკებებზე სპეციალური წარმომადგენლის, სტივენ უიტკოფის ნაცვლად, სახელმწიფო მდივანი მარკო რუბიოა პასუხისმგებელი.
გამოცემა აღნიშნავს, რომ მთელი 2025 წლის განმავლობაში ტრამპი ეწინააღმდეგებოდა რუსეთის წინააღმდეგ ახალი სანქციების შემოღების იდეას, რადგან სჯეროდა პუტინთან დიპლომატიური შეთანხმების მიღწევის შესაძლებლობის უკრაინაში ომის დასრულების შესახებ.
აშშ-ის პრეზიდენტის ამ რწმენას მისმა დიდი ხნის მეგობარმა სტივ უიტკოფმა შეუწყო ხელი, რომელიც ტრამპმა თეთრ სახლში მიიყვანა და რუსეთის ფედერაციასთან მოლაპარაკებები დაავალა.
თუმცა, აგვისტოში უიტკოფის არაკომპეტენტურობამ თეთრ სახლსა და კრემლს შორის გაუგებრობა გამოიწვია.
ტრამპმა ალასკის სამიტის გამართვის გადაწყვეტილება მას შემდეგ მიიღო, რაც, რომ უიტკოფმა მოლაპარაკებისთვის რუსების მოლაპარაკების მზადყოფნაში დაარწმუნა. თუმცა როგორც მოგვიანებით გაირკვა, უიტკოფმა ყველაფერი არასწორად გაიგო და პუტინი სამიტზე დარწმუნებული მივიდა, რომ აშშ მზად იყო მიეღო კრემლის გეგმა უკრაინის კაპიტულაციის შესახებ.
ამჯერად, კი , როდესაც ტრამპი პუტინს ბუდაპეშტში ახალ სამიტზე დათანხმდა, შეხვედრის ორგანიზება არა უიტკოფს, არამედ სახელმწიფო მდივან მარკო რუბიოს დაევალა.
და რუსეთის საგარეო საქმეთა მინისტრ სერგეი ლავროვთან ერთი საუბარიც კი საკმარისი აღმოჩნდა იმისთვის, რომ რუბიო მიმხვდარიყო, რომ რუსეთის პოზიცია ალასკის შემდეგ არ შეცვლილა.
გამოცემის წყარომ განაცხადა, რომ პუტინისა და ტრამპის სატელეფონო საუბრის შემდეგ, მოსკოვი დარწმუნებული იყო, რომ აშშ-ის პრეზიდენტი მზად იყო, მიეღო რუსეთის მოთხოვნა უკრაინის მიერ დონბასის დათმობის შესახებ.
თუმცა, მეორე დღეს, უკრაინის პრეზიდენტ ვოლოდიმირ ზელენსკისთან შეხვედრის შემდეგ, ტრამპმა განაცხადა, რომ ცეცხლის შეწყვეტა მას ფრონტის ხაზის გასწვრივ სურდა.
ლავროვმა სცადა რუბიოსთვის ამ პოზიციის მიუღებლობის ახსნა, რამაც ბუდაპეშტის სამიტის ჩაშლა გამოიწვია.
რუბიოსა და ლავროვს შორის საუბრიდან სულ რაღაც ორი დღის შემდეგ, აშშ-მა რუსეთის უმსხვილესი ნავთობკომპანიების - „როსნეფტისა“ და „ლუკოილის“ წინააღმდეგ სანქციები დააწესა.
