თეთრი სახლის პრესმდივანმა ქეროლაინ ლევიტმა ხუთშაბათს გამართულ ბრიფინგზე აშშ-ის მიერ რუსეთის ნავთობკომპანიებისთვის სანქციების დაწესების გადაწყვეტილებაზე კომენტარი გააკეთა.
ლევიტის თქმით, ტრამპი „ყოველთვის ამტკიცებდა, რომ რუსეთს სანქციებს დაუწესებდა, როდესაც ამას მიზანშეწონილად და საჭიროდ მიიჩნევდა და გუშინ ეს დღე იყო“.
„ვფიქრობ, [აშშ-ის პრეზიდენტი] დიდი ხანია გამოხატავს იმედგაცრუებას ვლადიმირ პუტინის და, გულწრფელად რომ ვთქვათ, ამ ომის ორივე მხარის მიმართ. ის ყოველთვის ამბობდა, რომ კარგი სამშვიდობო შეთანხმების მისაღწევად, ორივე მხარე დაინტერესებული უნდა იყოს კარგი სამშვიდობო შეთანხმებით.
და ის გრძნობს, რომ სამწუხაროდ, ბოლო დროს რუსეთის მხრიდან ვერ ხედავს საკმარის ინტერესს და ქმედებებს მშვიდობისკენ შემდგომი ნაბიჯების გადასადგმელად,“ - განაცხადა ლევიტმა.
