უნგრეთში ოპოზიციური პარტია „ტიზას“ ლიდერის, პიტერ მაგიარის მხარდამჭერებმა ვიქტორ ორბანის მთავრობის წინააღმდეგსაპროტესტო აქცია გამართეს.
ორბანისგან განსხვავებით, მისი ოპონენტი, მადიარი, წინა რიგებში იდგა და მსვლელობით მიემართებოდა თავის თანამებრძოლებთან ერთად. მსვლელობის მონაწილეებს ხელში ეჭირათ ბანერები წარწერით „რეჟიმის შეცვლა 1956, რევოლუცია 2026“. აქციის მონაიწლეთა თქმით, ვიქტორ ორბანის 15-წლიანი მმართველობის დასრულებასთან ასე ახლოს არასდროს ყოფილან. მაგიარის პარტია „ტიზა “ბოლო გამოკითხვებით, რეიტინებში მმართვერლ პარტიას საგრძნობლად უსწრებს.
აქციაზე სიტყვით გამოსვლისას, პიტერ მაგიარმა უნგრეთის პრემიერ-მინისტრი ვიქტორ ორბანი ავტორიტარული და კორუმპირებული მთავრობის მართვაში დაადანაშაულა.
„ის პოლიტიკოსი, რომელიც მოითხოვდა რუსეთის ჯარების უნგრეთიდან გასვლას, ახლა კრემლის ყველაზე ერთგული მოკავშირეა. ის წლებია, საკუთარ ხალხს ატყუებს და ამ ყველაფრისთვის მადლიერებას ელოდება. მან შექმნა სისტემა, რომელშიც ძალაუფლება ცენტრალიზებულია, მედია კონტროლის ქვეშაა და ქვეყანას შიში მართავს. ახალგაზრდები ქვეყნიდან გარბიან. თავისუფლება იბადება იქ, სადაც შიში მთავრდება და ჩვენ დღეს აღარ გვეშინია", - განაცხადა მაგიარმა.
მისი თქმით, 2026 წელს არჩევნებში დიდი სხვაობით გაიმარჯვებს.
„ექვს თვეზე ნაკლებ დროში ქვეყანა აირჩევს, უნგრელი ხალხი უპასუხებს კითხვებს: აღმოსავლეთი თუ დასავლეთი, კორუფცია თუ ღირსება, თურქული საბჭო თუ ევროპა, პროპაგანდა თუ სიმართლე, არაადამიანობა თუ ადამიანობა, კოლონია თუ თავისუფალი უნგრეთი, „ფიდესი“ თუ „ტიზა“. ჩვენ უნდა მოვიგოთ არჩევნები 2026 წელს და ჩვენ გავიმარჯვებთ, არა მცირედით, არამედ დიდი სხვაობით“, – განაცხადა მაგიარმა.
ოპოზიციის მსვლელობის წინ ბუდაპეშტში უნგრეთის ეროვნული დღესასწაულის, 1956 წელს კომუნისტური მმართველობის საწინააღმდეგო ამბოხების 69-ე წლისთავის აღსანიშნად და პრემიერ-მინისტრ ვიქტორ ორბანის მხარდასაჭერად აქცია გაიმართა.
