თეთრი სახლის პრესმდივანმა ქეროლაინ ლევიტმა ხუთშაბათს გამართულ ბრიფინგზე განაცხადა, რომ აშშ-ის პრეზიდენტი დონალდ ტრამპი ჩინეთის ლიდერ სი ძინპინთან ორმხრივ შეხვედრას მომავალ ოთხშაბათს, 30 ოქტომბერს გამართავს.
ლევიტის თქმით, ტრამპსა და სი ძინპინს შორის შეხვედრა სამხრეთ კორეის ქალაქ ბუსანში, აზია-წყნარი ოკეანის ეკონომიკური თანამშრომლობის სამიტის ფარგლებში გაიმართება.
მრავალდღიანი ვიზიტის ფარგლებში, აშშ-ის პრეზიდენტი ასევე ეწვევა მალაიზიასა და იაპონიას, სადაც ის ცალკეულ ორმხრივ შეხვედრებს გამართავს.
