უკრაინის თავდაცვის ძალებმა მასშტაბური საჰაერო იერიში მიიტანეს რუსეთში, ბრიანსკის ქიმიურ ქარხანაზე, - ამის შესახებ ინფორმაციას უკრაინის შეიარაღებული ძალების გენერალური შტაბი ავრცელებს.
„უკრაინის თავდაცვის ძალები აგრძელებენ რუსეთის ტერიტორიაზე სტრატეგიული სამხედრო-სამრეწველო კომპლექსის ობიექტებზე დარტყმებს, რაც ასუსტებს აგრესორი ქვეყნის შეტევით პოტენციალს. ამგვარად, 2025 წლის 21 ოქტომბერს, უკრაინის შეიარაღებული ძალების საჰაერო ძალებმა, სახმელეთო ჯარებთან, საზღვაო ძალებთან და უკრაინის თავდაცვის ძალების სხვა კომპონენტებთან თანამშრომლობით, ბრიანსკის ქიმიურ ქარხანას დაარტყა. მასირებული კომბინირებული სარაკეტო და საჰაერო დარტყმა განხორციელდა, მათ შორის Storm Shadow-ის საჰაერო რაკეტებით, რომლებმაც რუსული საჰაერო თავდაცვის სისტემა დაძლიეს“, - იტყობინება უკრაინის შეიარაღებული ძალების გენერალური შტაბი.
„ბრიანსკის ქიმიური ქარხანა აგრესორი ქვეყნის სამხედრო-სამრეწველო კომპლექსის მნიშვნელოვანი კომპონენტია. ეს ქარხანა აწარმოებს დენთს, ასაფეთქებელ ნივთიერებებს და სარაკეტო საწვავის კომპონენტებს, განსაკუთრებით საბრძოლო მასალისა და რაკეტებისთვის, რომლებსაც მტერი უკრაინის ტერიტორიის დაბომბვისთვის იყენებს“, - ნათქვამია განცხადებაში.
დარტყმის შედეგები ზუსტდება.
