უკრაინის პრეზიდენტმა ვოლოდიმირ ზელენსკიმ აშშ-ის პრეზიდენტ დონალდ ტრამპთან ორი დღის განმავლობაში მეორედ გამართა სატელეფონო საუბარი.
ამის შესახებ ზელენსკი Telegram-ზე წერს.
„მე ახლახან ვესაუბრე აშშ-ის პრეზიდენტ დონალდ ტრამპს, ორი დღის განმავლობაში მეორედ და დღესაც ჩვენ ასევე ძალიან პროდუქტიული საუბარი გვქონდა.
გუშინ შევთანხმდით დღევანდელი კონკრეტული თემის განხილვაზე და განვიხილეთ სიტუაციის ყველა ეს ასპექტი. ჩვენს ქვეყანაში სიცოცხლის დაცვა, როგორც საჰაერო თავდაცვის, ასევე ჩვენი მდგრადობისა და მოქმედების არეალის გაზრდა. ენერგეტიკასთან დაკავშირებით ბევრი დეტალია. პრეზიდენტი ტრამპი კარგად არის ინფორმირებული ყველაფრის შესახებ, რაც ხდება,“ - განაცხადა ზელენსკიმ.
ზელენსკიმ დასძინა, რომ ის და ტრამპი შეთანხმდნენ საუბრის გაგრძელებაზე. მისივე თქმით, ორივე მხარის და გუნდები ემზადებიან.
11 ოქტომბერს ზელენსკი ტრამპს ტელეფონით ესაუბრა. მედიის ცნობით, მათი საუბრის ერთ-ერთი თემა უკრაინის მიერ შორი მოქმედების რაკეტების Tomahawk-ის შეძენის შესაძლებლობა იყო.
საღამოს მიმართვაში ზელენსკიმ განაცხადა, რომ ტრამპთან მოლაპარაკებების დროს მან მიიღო სიგნალები, რომ შეერთებული შტატები განიხილავს უკრაინასთან თანამშრომლობის გაძლიერების გზებს.
