შეერთებული შტატები უკრაინას მიაწვდის სადაზვერვო მონაცემებს რუსეთის წინააღმდეგ შორ მანძილზე მოქმედი რაკეტებით დარტყმებისთვის და ასევე მისცემს კიევს საშუალებას, კრემლის ტერიტორიის სიღრმეში ენერგეტიკულ ინფრასტრუქტურაზე თავდასხმა განახორციელოს.
გარდა ამისა, განიხილება უკრაინაში იარაღის გაგზავნის შესაძლებლობა, რაც კიევს საშუალებას მისცემს, მეტი რუსული სამიზნე გაანადგუროს. აშშ ასევე სთხოვს ნატო-ელ მოკავშირეებს მსგავსი მხარდაჭერის გაწევას. წერს The Telegraph.
როგორც იუწყებიან, უკრაინა ომის განმავლობაში ამერიკული დაზვერვის სერვისებით სარგებლობდა, თუმცა კიევმა დამატებითი დახმარება მოითხოვა რუსეთის ნავთობგადამამუშავებელი ქარხნების, მილსადენებისა და ელექტროსადგურებზე თავდასხმისთვის. რათა კრემლი სასიცოცხლოდ მნიშვნელოვანი შემოსავლისა და ნავთობის გარეშე დარჩეს.
თავის მხრივ, აშშ-ის პრეზიდენტი დონალდ ტრამპი ევროპის ქვეყნებს მოუწოდებს, შეწყვიტონ რუსული ნავთობის შესყიდვა, მოსკოვის წინააღმდეგ მკაცრი სანქციების დაწესებაზე მისი თანხმობის სანაცვლოდ.
აშშ-ის ოფიციალური პირების თქმით, დაზვერვის მონაცემების გადაცემის დამტკიცება ცოტა ხნით ადრე მოხდა, ტრამპის განცხადებამდე, რომ უკრაინას შეეძლო რუსეთის მიერ ოკუპირებული ყველა ტერიტორიის დაბრუნება.
აშშ ასევე განიხილავს უკრაინის მოთხოვნას დამატებითი სამხედრო დახმარების შესახებ, მათ შორის 2500 კმ-ის რადიუსის მქონე Tomahawk-ის ტიპის რაკეტების შესახებ, რომლებსაც შეუძლიათ მოსკოვსა და დასავლეთ რუსეთის დიდ ნაწილზე დარტყმების განხორციელება.
მედიის ცნობით, შეერთებული შტატები უკრაინას პირველად დაეხმარება რუსეთის ტერიტორიის სიღრმეში ენერგეტიკული ობიექტების წინააღმდეგ შორი რადიუსის რაკეტებით დარტყმების განხორციელებაში.
სწორედ, ენერგეტიკიდან მიღებული შემოსავლები წარმოადგენს კრემლის სამხედრო ოპერაციების დაფინანსების მთავარ წყაროს.
