დიდი ბრიტანეთის პრემიერ-მინისტრი კირ სტარმერი პალესტინის სახელმწიფოს ოფიციალურად აღიარებს, აშშ-ის პრეზიდენტის დონალდ ტრამპის დიდ ბრიტანეთში სახელმწიფო ვიზიტის დასრულების შემდეგ. ამის შესახებ The Times წერს.
აღნიშნულია, რომ მან განცხადების გაკეთება ტრამპის ვიზტის დასრულების შემდეგ გადადო, რადგან შიშობდა, რომ წინააღმდეგ შემთხვევაში ეს საკითხი შეიძლებოდა ხუთშაბათს ჩეკერსში ორ ლიდერს შორის დაგეგმილ პრესკონფერენციაზე მთავარი თემა იქნებოდა.
დიდი ბრიტანეთი ამ პროცესს მომავალ კვირას ნიუ-იორკში დაგეგმილ გაერო-ს გენერალური ასამბლეის სხდომამდე გააგრძელებს.
დიდი ბრიტანეთი, საფრანგეთი, კანადა და ავსტრალია იმ ქვეყნებს შორის არიან, რომლებიც ასამბლეაზე პალესტინის აღიარებას გეგმავენ.
აშშ კატეგორიულად ეწინააღმდეგება პალესტინის ოფიციალურ აღიარებას. ტრამპის განცახდებით, ეს „ჰამასის“ წისქვილზე დაასხამს წყალს.
მნიშვნელოვანია აღინიშნოს, რომ ამ საკითხთან დაკავშირებით დიდ ბრიტანეთსა და აშშ-ს შორის მკვეთრი უთანხმოებაა.
ისრაელის სამხედრო თავდასხმას ქალაქ ღაზაზე „აბსოლუტურად უგუნური და საზარელი“ უწოდა.
„ეს მხოლოდ მეტ სისხლისღვრას, მეტი უდანაშაულო მშვიდობიანი მოქალაქის სიკვდილს გამოიწვევს და დარჩენილ მძევლებს საფრთხეში ჩააგდებს,“ - განაცხადა მინისტრმა.
ამასთან, აშშ-ის სახელმწიფო მდივანმა მარკო რუბიომ, რომელიც ტრამპის ლონდონში ვიზიტს შეუერთდა, ამ კვირაში ისრაელის მხარდაჭერა გამოხატა. მისი განცახდებით, პალესტინის სახელმწიფოს ფორმალური აღიარება, მშვიდობას საფრთხის ქვეშ დააყენებს.
