რუსული დრონების მიერ პოლონეთის საჰაერო სივრცის დარღვევა სრულიად უგუნური იყო. ამის შესახებ ნატო-ს გენერალურმა მდივანმა მარკ რუტემ განაცხადა. იუწყება Reuters.
„განზრახ იყო ეს თუ არა, ეს აბსოლუტურად უგუნური და აბსოლუტურად საშიშია. მაგრამ სრული შეფასება ჯერ კიდევ მიმდინარეობს. ჩემი გზავნილი პუტინისადმი ნათელია. შეწყვიტეთ ომი უკრაინაში. შეწყვიტეთ მოკავშირეთა საჰაერო სივრცის დარღვევა. და იცოდეთ, რომ ჩვენ მზად ვართ, რომ ფხიზლად ვართ და რომ ჩვენ დავიცავთ ნატო-ს ტერიტორიის ყოველ სანტიმეტრს“, - ხაზგასმით აღნიშნა მან. მისი თქმით, ასეთმა ინციდენტმა ნატო-ს ძალიან წარმატებული რეაქცია აჩვენა.
ამასთან, რუტეს თქმით, ნატოს მოკავშირეებმა წარმატებით გაართვეს თავი პოლონეთზე რუსული დრონების თავდასხმას.
