დიდი ბრიტანეთის პრემიერ-მინისტრის, კირ სტარმერის თქმით, შემდეგი ნაბიჯი უნდა იყოს მოლაპარაკებები ზელენსკის მონაწილეობით, რადგან უკრაინაში მშვიდობის გზა მის გარეშე ვერ განისაზღვრება.
კირ სტარმერი აღნიშნავს, რომ შემდგომ ნაბიჯებში ჩართული უნდა იყოს ვოლოდიმირ ზელენსკი და რომ მშვიდობასთან დაკავშირებით გადაწყვეტილების მიღება მის გარეშე შეუძლებელია.
„პრეზიდენტ ტრამპის ძალისხმევამ უკრაინაში რუსეთის უკანონო ომის დასრულებასთან დაგვაახლოვა, როგორც არასდროს. მისი ლიდერობა მკვლელობების დასრულებისკენ სწრაფვაში დადებითად უნდა შეფასდეს. მიუხედავად იმისა, რომ პროგრესი მიღწეულია, შემდეგი ნაბიჯი უნდა იყოს შემდგომი მოლაპარაკებები პრეზიდენტ ზელენსკის ჩართულობით. უკრაინაში მშვიდობისკენ მიმავალი გზა მის გარეშე ვერ განისაზღვრება“, – აღნიშნულია სტარმერის განცხადებაში.
მისი თქმით, ევროპის და აშშ-ის მხრიდან უსაფრთხოების გარანტიები უკრაინისთვის გადამწყვეტი იქნება „პუტინის შესაკავებლად“ მომავალისთვის.
„მივესალმები შეერთებული შტატების ღიაობას, ევროპასთან ერთად უზრუნველყოს უკრაინისთვის უსაფრთხოების მყარი გარანტიები ნებისმიერი შეთანხმების ფარგლებში. ეს მნიშვნელოვანი პროგრესია და გადამწყვეტი იქნება პუტინის შეკავებისთვის, რათა ის არ დაბრუნდეს მეტისთვის. ამასობაში, ვიდრე ის არ შეწყვეტს თავის ბარბაროსულ თავდასხმას, ჩვენ გავაგრძელებთ მისი საომარი მანქანის ხრახნების შეზღუდვას კიდევ უფრო მეტი სანქციით, რამაც უკვე იქონია სადამსჯელო გავლენა რუსეთის ეკონომიკასა და მის მოსახლეობაზე. უკრაინისადმი ჩვენი ურყევი მხარდაჭერა გაგრძელდება, რამდენ ხანსაც საჭირო იქნება“, – აცხადებს სტარმერი.
