აშშ-ის პრეზიდენტ დონალდ ტრამპსა და რუსეთის პრეზიდენტ ვლადიმირ პუტინს შორის შეხვედრა აჩვენებს, შესაძლებელია თუ არა უკრაინაში ცეცხლის შეწყვეტა, თუმცა შედეგი მაინც კიევსა და მოსკოვზე იქნება დამოკიდებული, - ამის შესახებ აშშ-ის სახელმწიფო მდივანმა მარკო რუბიომ ჟურნალისტებს განუცხადა.
„ხვალ ვნახავთ, პრინციპში რა არის შესაძლებელი. ვნახოთ, როგორ წარიმართება მოლაპარაკებები. ჩვენ წარმატების იმედი გვაქვს. ჩვენ გვსურს მშვიდობის მიღწევა“, - თქვა სახელმწიფო მდივანმა.
მისი თქმით, კონფლიქტის მოსაგვარებლად საჭირო იქნება როგორც რუსეთის, ასევე უკრაინის თანხმობა.
„თუმცა, გადაწყვეტილება, საბოლოო ჯამში, უკრაინამ და რუსეთმა უნდა მიიღონ“, - ხაზგასმიაღნიშნა მან.
„აშკარაა, რომ რაც უფრო დიდხანს გაგრძელდება ეს ომი, მით უფრო რთული იქნება მისი შეჩერება“, - თქვა რუბიომ და აღნიშნა, რომ ამ მიზეზით „ცეცხლის შეწყვეტა უაღრესად მნიშვნელოვანია“.
მანამდე ტრამპმა განაცხადა, რომ ალასკაზე მოლაპარაკებების დასრულების შემდეგ დაუყოვნებლივ ცეცხლის შეწყვეტას არ ელის.
