აშშ-ის პრეზიდენტმა დონალდ ტრამპმა განაცხადა, რომ სპეციალური წარმომადგენელი ახლო აღმოსავლეთში, სტივ უიტკოფი ოთხშაბათს რუსეთის ოფიციალურ პირებთან მოლაპარაკებებს გამართავს.
მოლაპარაკებების შემდეგ, თეთრი სახლი მიიღებს გადაწყვეტილებას რუსული ენერგორესურსების შემსყიდველი ქვეყნების წინააღმდეგ ტარიფების შესაძლო შემოღების შესახებ. ამის შესახებ ტრამპმა ჟურნალისტებს ბტიფინგზე განუცხადა.
ჟურნალისტის კითხვაზე, შესაძლებელია თუ არა 100%-იანი გადასახადები დაუწესდეს იმ ქვეყნებს, რომლებიც გააგრძელებენ რუსული ნავთობისა და გაზის შესყიდვას, აშშ-ის პრეზიდენტმა აღნიშნა, რომ გადაწყვეტილება უახლოეს მომავალში იქნება მიღებული.
„მე არასდროს დამისახელებია პროცენტი, მაგრამ ჩვენ ნამდვილად ვაპირებთ ამ მიმართულებით ბევრი რამის გაკეთებას. ვნახოთ, რა მოხდება შედარებით მოკლე დროში. ხვალ რუსეთთან შეხვედრა გვაქვს. ვნახოთ, რა მოხდება. აშშ ამის შემდეგ გადაწყვეტს, დააწესებს თუ არა სანქციებს და ფართომასშტაბიან ტარიფებს რუსეთისა და მისი სავაჭრო პარტნიორების მიმართ. შემდგომი ნაბიჯები დამოკიდებული იქნება მოსკოვში დაგეგმილ ხვალინდელ მოლაპარაკებებზე“ - განაცხადა ტრამპმა.
