ორშაბათს რუსეთთან დაკავშირებით მნიშვნელოვან განცხადებას გავაკეთებ, - ამის შესახებ აშშ-ის პრეზიდენტმა დონალდ ტრამპმა ტელეარხ NBC-თან ინტერვიუში განაცხადა, რომელსაც CNN ციტირებს.
ტრამპს დამატებითი დეტალები არ დაუკონკრეტებია.
„მე იმედგაცრუებული ვარ რუსეთით... ორშაბათს რუსეთთან დაკავშირებით მნიშვნელოვან განცხადებას გავაკეთებ,“ - თქვა ტრამპმა.
შეგახსენებთ, კუალა ლუმპურში აშშ-ის სახელმწიფო მდივანს, მარკო რუბიოსა და რუსეთის საგარეო საქმეთა მინისტრს, სერგეი ლავროვს შორის შეხვედრა გაიმართა. მარკო რუბიომ განაცხადა, რომ მან სერგეი ლავროვთან შეხვედრაზე გამოთქვა შეერთებული შტატების იმედგაცრუება იმის გამო, რომ უკრაინაში ომის დასასრულებლად მნიშვნელოვანი პროგრესი არ არის მიღწეული.მან კიდევ ერთხელ გაიმეორა, რომ აშშ-ის პრეზიდენტი დონალდ ტრამპი უკიდურესად იმედგაცრუებულია, რომ რუსეთმა ომის დასრულებასტან დაკავშირებით მოქნილობა არ აჩვენა.აშშ-ის სახელმწიფო მდივანმა ასევე არ გამორიცხა რუსეთის წინააღმდეგ ახალი სანქციების დაწესება.
