ინდონეზიის საკურორტო კუნძულ ბალის მახლობლად ბორანი ჩაიძირა, რომელზეც 65 ადამინი იმყოფებოდა. მაშველები ძლიერ 32 ადამიანს ეძებენ. ინფორმაციას The Associated Press ადგილობრივი სამაშველო სამსახურებსა და პოლიციაზე დაყრდნობით ავრცელებს
ბორანი აღმოსავლეთ იავაში, კეტაპანგის პორტიდან გასვლიდან თითქმის ნახევარი საათის შემდეგ ჩაიძირა. ის ბალის პორტ გილიმანუკისკენ მიემართებოდა, რომელიც 50 კილომეტრში მდებარეობს.
ბორანზე 53 მგზავრი, ეკიპაჟის 12 წევრი იმყოფებოდა. ბორანზე ასევე განთავსებული იყო 22 სატრანსპორტო საშუალება, მათ შორის 14 სატვირთო მანქანა.
გამოცემა აღნიშნავს, რომ 4 ცხედარი იპოვეს და 29 ადამიანი გადაარჩინეს, რომელთაგან ბევრი უგონო მდგომარეობაში იყო.
გამოცემის ცნობითვე, სამაშველო ოპერციაში ჩართულია ცხრა ნავი. დაკარგულ ადამიანების პოვნას მძიმე მეტეოროლოგიური პირობები და ძლიერი ტალღები ართულებს.
