აშშ-ის პრეზიდენტმა დონალდ ტრამპმა დაამტკიცა ირანზე თავდასხმის სამხედრო გეგმა, თუმცა საბოლოო ბრძანების გაცემისგან თავს იკავებს და აკვირდება უარს იტყვის თუ არა თეირანი თავის ბირთვულ პროგრამაზე. ამის შესახებ The Wall Street Journal იუწყება.
გამოცემის ცნობით, ტრამპმა სამშაბათს საღამოს თავის უფროს მრჩევლებს განუცხადა, რომ მან დაამტკიცა ირანის წინააღმდეგ სამხედრო გეგმები, თუმცა საბოლოო ბრძანების გაცემაზე თავს იკავებს და ელოდება, უარს იტყვის თუ არა თეირანი ბირთვულ პროგრამაზე.
„შეიძლება გავაკეთო ეს, შეიძლება არა. შემდეგი კვირა ძალიან მნიშვნელოვანი იქნება, შესაძლოა ერთ კვირაზე ნაკლები“, - განაცხადა ტრამპმა, როდესაც ჰკითხეს, გადაწყვიტა თუ არა ირანის ბირთვულ ობიექტებზე დარტყმა.
ირანის უზენაესმა ლიდერმა, აიათოლა ალი ხამენეიმ, განაცხადა, რომ ირანი არ დანებდება და გააფრთხილა, რომ აშშ-ის ნებისმიერი სამხედრო ჩარევა „გამოუსწორებელ შედეგებს“ გამოიწვევს.
„პარალელურად, შეერთებულმა შტატებმა მნიშვნელოვნად გაზარდა თავისი სამხედრო ყოფნა ახლო აღმოსავლეთში. აშშ-ის საზღვაო ძალების მესამე გამანადგურებელი აღმოსავლეთ ხმელთაშუა ზღვაში შევიდა, ხოლო მეორე ამერიკული საჰაერო ხომალდის გადამზიდის დამრტყმელი ჯგუფი არაბეთის ზღვისკენ მიემართება. მიუხედავად იმისა, რომ პენტაგონმა განაცხადა, რომ ნაბიჯები წმინდა თავდაცვითი იყო, ისინი აშშ-ს უკეთეს პოზიციში დააყენებენ, თუ ტრამპი გადაწყვეტს ირანზე ისრაელის თავდასხმებს შეუერთდეს“, - აღნიშნავს გამოცემა.
ამასთან, გამოცემა წერს, რომ ასეთი ქმედებები შეიძლება ასევე იყოს ზეწოლის ტაქტიკა, რათა ირანი აიძულონ კაპიტულაციაზე ან დათმობებზე წავიდეს.
