თეთრი სახლის ეროვნული ლოცვის დღისადმი მიძღვნილ ღონისძიებაზე ვრცელი მიმართვისას დონალდ ტრამპმა მოკლედ ისაუბრა უკრაინაში მიმდინარე ომზე.
ტრამპის თქმით, უკრაინაში რუსეთის ომი საშინელებაა და მისი ადმინისტრაცია ცდილობს ამ კონფლიქტის დასრულებას.
ტრამპმა მოუწოდა დამსწრეებს, იფიქრონ ორივე მხარეს მყოფ ოჯახებზე, რომლებიც საბრძოლო მოქმედებებში საყვარელ ადამიანებს კარგავენ. მან კიდევ ერთხელ გაიმეორა, რომ მისი პრეზიდენტობის დროს ომი „არ დაიწყებოდა“.
აშშ-ის პრეზიდენტს არ უხსენებია წიაღისეულის შეთანხმება, რომელსაც მისმა ადმინისტრაციამ ახლახან მოაწერა ხელი უკრაინასთან.
