შეერთებული შტატების პრეზიდენტი დონალდ ტრამპი აცხადების, რომ მისი რწმენით, უკრაინის პრეზიდენტი მზადაა დათმოს ყირიმის, რომელიც რუსეთის მიერ არის ანექსირებული.
"დიახ, მე ასე ვფიქრობ", - თქვა ტრამპმა, როდესაც ჰკითხეს, ფიქრობს თუ არა, რომ ზელენსკი მზად არის ყირიმის დასათმობად.
ამ განცხადებას წინ უსწრებდა დონალდ ტრამპისა და ვოლოდიმირ ზელენსკის შეხვედრა ვატიკანში, რომის პაპის დაკრძალვაზე.
ვატიკანიდან ვაშინგტონში დაბრუნებულმა ტრამპმა განაცხადა, რომ სურს, რუსეთის პრეზიდენტმა პუტინმა "შეწყვიტოს სროლა" და ხელი მოაწეროს სამშვიდობო შეთანხმებას.
"ვფიქრობ, ჩვენ გვაქვს პირობები შეთანხმებისთვის და მსურს, რომ მან ხელი მოაწეროს მას", - თქვა მან.
შეგახსენებთ, 26 აპრილს დონალდ ტრამპი და ვოლოდიმირ ზელენსკი ვატიკანში ერთმანეთს შეხვდნენ. ეს იყო პირველი პირადი კონტაქტი ორი ქვეყნის ლიდერს შრის, 28 თებერვალს თეთრი სახლის ოვალურ კაბინეტში მომხდარი შელაპარაკების შემდეგ. ვატიკანში შეხვედრა 15 წუთს გაგრძელდა. თეთრმა სახლმა მას უწოდა "პროდუქტიული", კიევი "ძალიან სიმბოლური".
