აშშ-ის პრეზიდენტ დონალდ ტრამპს სურს, რომ რომის შემდეგი პაპი ამერიკელი გახდეს. ამის შესახებ BILD-ის კორესპონდენტმა ჰერბერტ ბაუერნებელმა.
მისი თქმით, ტრამპისთვის რომის პაპის, ფრანცისკის დაკრძალვაზე დასწრება მნიშვნელოვანი მოვლენა იყო.
„მას ბევრი კათოლიკე ამომრჩეველი ჰყავს: ამერიკელი კათოლიკეების 54%-მა ხმა მისცა რესპუბლიკელს (თუმცა თავად ტრამპი 2020 წლიდან საკუთარ თავს უწოდებს „ქრისტიანს კონფესიის გარეშე“ - ანუ არც პროტესტანტს და არც კათოლიკეს)“, - წერს BILD.
გამოცემის კორესპონდენტი მიიჩნევს, რომ ტრამპს ახლა შეუძლია გავლენა მოახდინოს მემკვიდრის არჩევაზე, რათა პაპის ტახტზე ამერიკელი იყოს.
„ფაქტია რომ ფრანცისკემ მკვეთრად გააკრიტიკა ტრამპის პოლიტიკა მიგრანტების მიმართ. მან ერთხელ თქვა, რომ სახელმწიფოს ლიდერი, რომელიც მიგრანტების წინააღმდეგ კედლებს აშენებს, „ქრისტიანი არ არის“, - აღნიშნულია პუბლიკაციაში.
ამავდროულად, ტრამპი იმედოვნებს, რომ ახალი პაპის დროს კრიტიკა ნაკლები იქნება. ის, სავარაუდოდ, „კონსერვატიული ამერიკული სტილის კათოლიციზმის აღდგენას“ დაუჭერს მხარს.
„შესაძლო პრეტენდენტებს შორის არიან პოპულარული ამერიკელებიც - მაგალითად, ნიუ-იორკის კარდინალი ტიმოთი დოლანი, ჩიკაგოს კარდინალი ბლეზ ჯოზეფ კუპიჩი და ნიუიორკის კარდინალი ჯოზეფ უილიამ ტობინი“, - წერს BILD.
თუმცა, გამოცემა აღნიშნავს, რომ 10 ამერიკელი კარდინალიდან ფავორიტად ჯერ არცერთი არ არის მიჩნეული, ამიტომ აშშ-ის პრეზიდენტს კონკლავზე გავლენის მოხდენა ძალიან გაუჭირდება.
