აშშ-ის პრეზიდენტი დონალდ ტრამპი უკრაინის დედაქალაქზე 24 აპრილს განხორციელებულ მასირებულ დარტყმებს ეხმიანება და რუსეთის პრზეიდენტს ვლადიმირ პუტინს სამშვიდობო შეთანხმების დადებისკენ მოუწოდებს. ამის შესახებ ტრამპი თავის სოციალურ ქსელ Truth social-ში წერს.
„მე არ ვარ კმაყოფილი კიევზე რუსეთის დარტყმებით. ეს იყო ზედმეტი და ძალიან უდროო. ვლადიმირ, გაჩერდი! ყოველ კვირას 5 000 ჯარისკაცი იღუპება. მოდით, დავდოთ სამშვიდობო შეთანხმება!" - წერს ტრამპი.
24 აპრილის ღამეს, რუსეთმა უკრაინის წინააღმდეგ სხვადასხვა ტიპის 215 რაკეტა და დრონი გაუშვა, მთავარი დარტყმა კიევზე განხორციელდა, სადაც მთელი მთელი საცხოვრებელი კვარტალი დაზიანდა. უკრაინის საჰაერო თავდაცვამ ჩამოაგდო მტრის 112 საჰაერო სამიზნე. მათ შორის „ისკანდერ-М"/KN-23“-ის ტიპის 7 ბალისტიკური რაკეტა, Х-101-ის ტიპის 31 ფრთოსანი რაკეტა. „კალიბრის“ ტიპის 6 ფრთოსანი რაკეტა, Х-59/Х-69-ის ტიპის მართვადი ავიაბომბი, და Shahed-ის ტიპის 64 დრონი.
რუსეთის თავდასხმის შედეგად დაიღუპა 9 და დაშავდა 77 ადამიანი.
