აშშ-ის პრეზიდენტმა, დონალდ ტრამპმა TikTok-ის შესახებ კანონის მიღების ბოლო ვადა 75 დღით გაახანგრძლივა.
"ჩემი ადმინისტრაცია მუშაობს TikTok-ის გადასარჩენად შეთანხმებაზე და ჩვენ მივაღწიეთ უზარმაზარ პროგრესს. იმედი გვაქვს, გავაგრძელებთ კეთილსინდისიერ თანამშრომლობას ჩინეთთან, რომელიც, როგორც ვხვდები, არცთუ ისე კმაყოფილია ჩვენი საპასუხო ტარიფებით" - აღნიშნა აშშ-ის პრეზიდენტმა.
როგორც ტრამპი აცხადებს, ყველა სამართლებრივი პროცედურის დასრულებას მეტი დრო სჭირდება.
როგორც ტრამპმა აღნიშნა, მისი ადმინისტრაცია თანამშრომლობს ოთხ სხვადასხვა ჯგუფთან TikTok-ის სავარაუდო შეთანხმებასთან დაკავშირებით.
