აშშ-ის პრეზიდენტმა დონალდ ტრამპმა განაცხადა, რომ რუსეთის ლიდერი ვლადიმირ პუტინი შესაძლოა აჭიანურებდეს უკრაინასთან სამშვიდობო შეთანხმებას. ამის შესახებ ამერიკის პერზიდენტმა Newsmax-თან ინტერვიუში ილაპარაკა.
„არ ვიცი, მე ბგულისხმობ იმას, რომ გარკვეულ მომენტში შეგატყობინებთ. მაგრამ მე ვფიქრობ, რომ რუსეთს სურს დაასრულოს ეს, მაგრამ შესაძლოა, მათ დრო გაჰყავთ“, - თქვა ტრამპმა.
მან დაამატა, რომ თავადაც იგივეს აკეთებდა მრავალი წლის განმავლობაში ბიზნესში.
"მე ამას წლებია ვაკეთებდი, იცით, არ მინდა კონტრაქტის გაფორმება, მინდა "თამაშში დარჩენა", მაგრამ შეიძლება საერთოდ არ მსურს ამის გაკეთება... არ ვარ დარწმუნებული. მაგრამ არა, მე ვფიქრობ, რომ რუსეთს სურს, რომ ეს დასრულდეს და ვფიქრობ, ზელენსკის სურს, რომ ეს დასრულდეს ამ ეტაპზე“, - თქვა ტრამპმა.
მან დასძინა, რომ ორივე მხარე კვირაში საშუალოდ 2500 ჯარისკაცს კარგავს.
„ისინი ამერიკელები არ არიან, მაგრამ ამას ჩემთვის მნიშვნელობა არ აქვს, ამ თვალსაზრისით... მე ვხედავ ფოტოებს ბრძოლის ველებიდან, მირჩევნია არც კი ვნახო ისინი. ხელები, ფეხები და თავები მიმოფანტულია მთელ ველზე. შეიარაღება უბრალოდ აბსურდულია. ახლა ყველაფერი დრონების საქმეა... და მე უბრალოდ მინდა, რომ ის შეჩერდეს“, – თქვა ტრამპმა.
