აშშ-ის პრეზიდენტმა, დონალდ ტრამპმა განაცხადა, რომ რუსეთსა და უკრაინას შორის ომის შემდგომი ესკალაციის შეკავების მცდელობები „კონტროლს ექვემდებარება“. იუწყება Bloomberg.
ტრამპმა ხაზგასმით აღნიშნა, რომ მისი „კარგი“ ურთიერთობები რუსეთის მმართველ ვლადიმირ პუტინთან და უკრაინის პრეზიდენტ ვოლოდიმირ ზელენსკისთან საკვანძო ფაქტორია ბრძოლის შეწყვეტისთვის. „შესანიშნავი იქნებოდა ამის შეჩერების შესაძლებლობა. ასე ვიტყვი, სხვა ვერავინ შეძლებდა ამას. ვერავინ, შანსი ნულია“, – განაცხადა ტრამპმა.
აშშ-ის პრეზიდენტის თქმით, კონფლიქტის მოგვარებაში წინსვლა შესაძლებელია ყველა მხარესთან კონსტრუქციული დიალოგით.
